Բրազիլիայի նախագահական ընտրությունների արդյունքում ոչ երկրի գործող նախագահ Ժաիր Բոլսոնարուն, ոչ նախկին ղեկավար Լուիս Ինասիու Լուլա դա Սիլվան ձայների կեսից ավելին չեն հավաքել: Այդ մասին հոկտեմբերի 3-ին հայտնել է Բրազիլիայի բարձրագույն ընտրական դատարանը: Երկու թեկնածուներն էլ դուրս են եկել ընտրությունների երկրորդ փուլ, որը կկայանա հոկտեմբերի 30-ին։
Արձանագրությունների 99,7%-ի մշակման արդյունքում Լուլա դա Սիլվան հավաքել է ձայների 48,42%-ը, իսկ Բոլսոնարուն՝ 43,2%-ը: