Միջազգային

Ադրբեջանը հրապարակել է հայ-ադրբեջանական սահմանազատման միջպետական հանձնաժողովի իր կազմը

Ադրբեջանի նախագահ Իլհամ Ալիևը հայտարարել է, որ ստեղծվել է Ադրբեջանի և Հայաստանի միջև պետական սահմանի սահմանազատման պետական հանձնաժողով։ Համապատասխան հրամանը արդեն ստորագրված է նախագահի կողմից։

Ադրբեջանի կողմի հանձնաժողովի նախագահը Ադրբեջանի Հանրապետության (ԱՀ) փոխվարչապետ Շահին Մուստաֆաևն է։

Հանձնաժողովի անդամներ՝

Նախիջևանի ինքնավար հանրապետության փոխվարչապետ,
ԱՀ արտաքին գործերի փոխնախարար,
ԱՀ ներքին գործերի փոխնախարար,
ԱՀ բնապահպանության և բնական պաշարների փոխնախարար
ԱՀ արդարադատության փոխնախարար,
ԱՀ գյուղատնտեսության փոխնախարար,
ԱՀ պաշտպանության փոխնախարար,
ԱՀ պետական անվտանգության ծառայության պետի առաջին տեղակալ,
Պետական սահմանային ծառայության պետի տեղակալ,
ԱՀ արտաքին հետախուզական ծառայության ղեկավարի տեղակալ,
«Մելիորացիա և ջրային տնտեսություն» ԲԲԸ փոխնախագահ,
ԱՀ էկոնոմիկայի նախարարության գույքային հարցերի պետական ծառայության ղեկավար,
ԱՀ Նախագահի աշխատակազմի օրենսդրության և իրավական քաղաքականության վարչության պետ,
Ղազախի, Աղստաֆայի, Թովուզի, Գադաբեկի, Դաշքեսանի, Քալբաջարի, Լաչինի, Գուբադլիի, Զանգիլանի շրջանների գործադիր իշխանություն ղեկավարներ։

Ադրբեջանի կառավարությունը ապահովելու է մշտական փորձագիտական խմբի ստեղծումը, որը բաղկացած կլինի Պետական հանձնաժողովի քարտուղարության և համապատասխան պետական մարմինների մասնագետներից: