Սլովակիայի նորընտիր վարչապետ Ռոբերտ Ֆիցոյի պոպուլիստական կառավարությունը երկրի հանրային հեռուստառադիոընկերությունը բարեփոխելու մտադրությունի ունի։ Ապրիլի 24-ին վարչապետ Ռոբերտ Ֆիցոն հայտարարել է, որ կառավարությունը հավանություն է տվել վերացնել Սլովակիայի ռադիոհեռուստատեսությունը (RTVS), դրա փոխարեն ստեղծել նոր ռադիոհեռուստատեսություն (SRTV) և փոխել ընկերության ղեկավար նշանակելու ընթացակարգը։
Սլովակիայի հանրային հեռուստաընկերության ներկայիս գլխավոր տնօրենը պաշտոնանկ է արվելու, թեև խորհրդարանի կողմից նշանակվել է մինչև 2027 թվականը, իսկ նորը կնշանակվի ընկերության խորհրդի կողմից, որի անդամները կընտրվեն կառավարության և խորհրդարանի կողմից։ Ֆիցոյի կուսակցությունն ու նրա դաշնակիցները խորհրդարանում ձայների մեծամասնություն ունեն։