Հիշեցնենք, որ հուլիսի 19-ին Թեհրանում տեղի էր ունեցել Սիրիայի հարցով «Աստանայի գործընթացի» երաշխավոր երկրների 7-րդ գագաթնաժողովը, որտեղ Ռուսաստանի, Իրանի և Թուրքիայի նախագահներ Վլադիմիր Պուտինը, Էբրահիմ Ռաիսին և Ռեջեփ Էրդողանը դատապարտել են Սիրիայում ահաբեկչական կազմակերպությունների աճող ներկայությունն ու գործունեությունը, ներառյալ՝ քաղաքացիական օբյեկտների վրա հարձակումները:
Իրանի, Ռուսաստանի և Թուրքիայի ղեկավարներն ընդգծել են, որ սիրիական խնդիրը ռազմական լուծում չունի՝ պատրաստակամություն հայտնելով ահաբեկչության դեմ պայքարը շարունակել բոլոր ձևերով և դրսևորումներով:
