Հասարակություն
Դյուսելդորֆի արդյունաբերական ակումբում քննարկվել է ՀՀ-ում ներդրումների հարցը
Քյոլն կատարած այցի շրջանակներում ՀՀ դեսպանության պատվիրակությունը Դյուսելդորֆի արդյունաբերական ակումբում աշխատանքային հանդիպում է ունեցել NRW Global Business գործակալության ներկայացուցիչների հետ։ Այդ մասին ասված է Գերմանիայում Հայաստանի դեսպանության Ֆեյսբուքի էջում:
«Դյուսելդորֆի արդյունաբերական ակումբը, որը ստեղծվել է 1912 թ․ որպես տնտեսության և գիտության, մշակույթի և քաղաքականության ֆորում, հյուրընկալել է հանրաճանաչ գործիչներ և առաջնորդներ։ NRW Global Business գործակալության գործադիր տնօրեն Ֆելիքս Նոյգարթի (Felix Neugart), Ելենա Մատեկինայի (Elena Matekina) և Թիմուր Կուրթի (Timur Kurt) հետ տեղի ունեցած հանդիպման ընթացքում քննարկվել է Հայաստանում ներդրումների, ինչպես նաև Հայաստանի և Հյուսիսային Հռենոս-Վեստֆալիա երկրամասի միջև տնտեսական փոխադարձ շահավետ համագործակցության հնարավորությունները։ Զրուցակիցները պայմանավորվել են գործնական քայլեր ձեռնարկել տնտեսական կապերը զարգացնելու ուղղությամբ»,- նշված է գրառման մեջ։
