ԵՄ արտաքին գործերի գերագույն ներկայացուցիչ Ժոզեպ Բորելը հայտնել է, որ ԵՄ երկրների անունից պատասխանել է Ռուսաստանի արտգործնախարար Սերգեյ Լավրովի նամակին, որը վերաբերում է եվրոպական անվտանգության հարցերին։ «Ես ԵՄ անդամ երկրների անունից պատասխանել եմ այն նամակներին, որոնք նրանք ստացել են նախարար Լավրովից»,- հինգշաբթի Թվիթերում գրել է ԵՄ դիվանագիտության ղեկավարը։ «Լարվածությունն ու տարաձայնությունները պետք է լուծվեն երկխոսության և դիվանագիտության միջոցով: Մենք կոչ ենք անում Ռուսաստանին դեէսկալացիայի ենթարկել և հակադարձել ռազմական կուտակումները Ուկրաինայում և նրա շուրջը, ինչպես նաև Բելառուսում»,- ասվում է Բորելի հայտարարության մեջ:
Իր հերթին ԵՄ-ում Ռուսաստանի Դաշնության մշտական ներկայացուցչությունը հայտնել է, որ հինգշաբթի օրը Եվրամիությունում Ռուսաստանի մշտական ներկայացուցիչ Վլադիմիր Չիժովն ընդունել է Անվտանգության և պաշտպանական քաղաքականության եվրոպական արտաքին ծառայության տնօրեն Ջոնիկա Բալֆորտին։ Բորելի անունից Լավրովին իրենց ուղերձն են փոխանցել ԵՄ անդամ 27 երկրների արտգործնախարարները։ «Այս փաստաթուղթը պատասխան է 2022 թվականի հունվարի 28-ին անվտանգության անբաժանելիության վերաբերյալ Ռուսաստանի Դաշնության արտաքին գործերի նախարարի ուղերձին, որն ուղարկվել է մի շարք եվրոպական երկրների արտաքին գործերի գերատեսչությունների ղեկավարներին։ Փաստաթղթում նշվում է, որ միաժամանակ Բալֆորտը բացատրել է, որ ԵՄ-ն մտադիր չէ հրապարակայնացնել այս պատասխանի բովանդակությունը։
