Միջազգային
«Հայաստանն ու Ադրբեջանը սահմանազատման շուրջ որոշ հարցեր արդեն համաձայնեցրել են»․ Պեսկով
ՌԴ նախագահի մամուլի խոսնակ Դմիտրի Պեսկովը հայտարարել է, որ Հայաստանն ու Ադրբեջանը շարունակում են սահմանների սահմանազատման շուրջ բանակցությունները։ Նրա խոսքով՝ որոշ հարցեր արդեն համաձայնեցված են։
«Հիմա մենք բացարձակապես խոսում ենք նոր կյանքի մասին, իհարկե, կա Ադրբեջանի տարածք, երկու երկրների միջև բանակցություններ են ընթանում սահմանի սահմանազատման շուրջ, և դրա մի մասն արդեն համաձայնեցված է, սակայն դեռևս կան չհամաձայնեցված կետեր»,- ասել է Պեսկովը։
Ինչ վերաբերում է ռուս խաղաղապահների՝ ԼՂ-ից հեռանալուն, Պեսկովը նշել է, որ նրանց համար տարածաշրջանում այլևս գործառույթներ չեն մնացել։
«Սա (խաղաղապահների դուրսբերումը) համապատասխանում է ներկայիս իրողություններին, որոնք ձևավորվել են տարածաշրջանում այն բանից հետո, երբ Հայաստանը ճանաչեց Ադրբեջանի սահմանները 1991 թվականի դրությամբ: Աշխարհաքաղաքական իրողություններն այնտեղ փոխվել են, և նրանց այլևս գործառույթներ չեն մնացել»,- նշել է Պեսկովը։
