ՌԴ նախագահ Վլադիմիր Պուտինը ՌԴ քաղաքացիներին զինվորական հավաքների զորակոչելու վերաբերյալ հրամանագիր է ստորագրել:
Ըստ այդմ, ՌԴ պահեստազորում քաղաքացիները ենթակա են զորակոչի՝ զինվորական հավաքների անցկացման համար։
Հրամանագիրն ուժի մեջ է մտնում հրապարակման օրվանից։
Պահեստազորայինները կհամալրեն Ռուսաստանի Դաշնության զինված ուժերի, Ազգային գվարդիայի, պետական պահպանության մարմինների և ԱԴԾ-ի շարքերը:
Նշվում է, որ Զինված ուժերի ռեզերվում գտնվող քաղաքացիների հավաքները նախատեսված են պահեստազորայինների մարտական հմտությունների կատարելագործման համար և անցկացվում են ամեն տարի։