Աֆղանստանի կառավարությունը՝ թալիբների ներկայացուցիչների գլխավորությամբ, կոչ է արել համալսարանի ուսուցիչներին, որոնք լքել են երկիրը, վերադառնալ գիտական առաջընթացի հասնելու համար։ «Աֆղանստանը ընդհանուր տուն է բոլոր էթնիկ խմբերի համար և մենք պատասխանատու ենք նրանց զարգացման համար: Բարեկեցության բացակայության դեպքում երկրի կրթական համակարգը թերի է: Այս կապակցությամբ բարձրագույն կրթության նախարարությունը հրավիրում է երկիրը լքած բոլոր դասախոսներին՝ վերադարձեք տուն»,- ասվում է հաղորդագրության մեջ։ Թալիբներն ընդգծել են, որ ուսուցիչները պետք է օգնեն իրականացնել երկրի զարգացման նպատակներից մեկը։ Աֆղանստանի կառավարությունը նաև հայտարարել էր նոր ուսուցիչների աշխատանքի ընդունելու միջոցներ ձեռնարկելու մասին:
Հիշեցնենք, որ 2021 թվականի օգոստոսի սկզբին թալիբներն ուժեղացրին իրենց հարձակումը Աֆղանստանի կառավարական ուժերի դեմ և օգոստոսի 15-ին մտել էին Քաբուլ ու հաջորդ օրը հայտարարել, որ պատերազմն ավարտված է։ Օգոստոսի վերջին երկու շաբաթներին Քաբուլի օդանավակայանից, որը գտնվում էր ԱՄՆ զինվորականների պաշտպանության ներքո, տեղի ունեցավ արևմտյան քաղաքացիների և նրանց հետ համագործակցած աֆղանների զանգվածային տարհանում։ Օգոստոսի 31-ի գիշերը ամերիկացի զինվորականները լքել են Քաբուլի օդանավակայանը՝ վերջ տալով Աֆղանստանում ամերիկյան ռազմական ներկայությանը մոտ 20 տարի։ Սեպտեմբերի սկզբին հայտարարվեց Աֆղանստանի ժամանակավոր կառավարության կազմը, որը գլխավորում էր Մոհամմադ Հասան Ախունդը, ով արտաքին քաղաքականության պատասխանատուն էր թալիբների առաջին կառավարման տարիներին և գտնվում էր ՄԱԿ-ի պատժամիջոցների տակ 2001 թվականից։
