Տեսակետ
«Ինքնասնուցվում ենք «աստվածընտիր ազգի» և նրա դեմ «համաշխարհային մեծ խարդավանքի» առասպելով». Աթանեսյան
ԼՂՀ ԱԺ նախկին պատգամավոր Վահրամ Աթանեսյանը «Ֆեյսբուքի» իր էջում գրել է.
«Ասում է՝ քառասունչորսօրյա պատերազմը մեր ցավը մնաց, համաշխարհային սյուժե չդարձավ։ Հայ քաղաքական գործիչն է ասում, 21-րդ դարի երրորդ տասնամյակում։ Հիշու՞մ եք, պատերազմի առաջին օրերի իշխանական նարատիվը, թե «ցեղասպանություն է կատարվում»։ Ո՞վ լսեց, ո՞վ արձագանքեց։ Ոչ ոք։ Ինչու՞։ Որովհետեև մեր «սյուժեն» ընկալելի չէ։ Մենք ինքնասնուցվել և ինքնասնուցվում ենք «աստվածընտիր ազգի» և նրա դեմ «համաշխարհային մե՜ծ խարդավանքի» առասպելով։ Մենք կենսունակ ազգ և պետություն կլինենք միայն այն ժամանակ, երբ ընդունենք, որ հայկականությունը բացառիկության հոմանիշը չէ։ Իսկ եթե այդպես է, ուրեմն ինքներս էլ պիտի պաշտպանենք և պարտադրենք այն։ Որովհետև բոլոր ազգերն էլ իրենց բացառիկ և աստվածընտիր համարելու իրավունք ունեն»։
