Ամենայն Հայոց կաթողիկոս Գարեգին Երկրորդը լրագրողների հետ ճեպազրույցում հայտարարել է․ «Առկա անվտանգային սպառնալիքներին հանդիման լինենք համերաշխ, լինենք միաբան, միասնական, որպեսզի կարողանանք անկորուստ պահպանենք հայրենի մեր երկիրը և անխռով՝ ազգային մեր կյանքը»։
Վեհափառ Հայրապետն իր պատգամն է հղել իշխանություններին․ «Ինչպես սուրբ Վարդանն էր ասում, արիությանը վախկոտություն մի՛ խառնեք, այն կորուստաբեր է ու մահ է սփռում, իսկ արիությունը ոգու զորություն է արդարությունը ու ճշմարտությունը պաշտպանելու համար»։