ՀՀ առողջապահության նախարար Անահիտ Ավանեսյանը հայտարարել է, որ երկուշաբթի օրվանից քաղաքացիները կկարողանան պատվաստվել նաև «Պֆայզեր» պատվաստանյութով. «Մաքսազերծման աշխատանքները երեկ ավարտել ենք. այսօր, վաղը հանրապետության ողջ տարածքով «Պֆայզեր» պատվաստանյութերը կբաշխվեն և բոլոր պոլիկլինիկաներում ու պատվաստման կետերում հասանելի կլինեն»։
Նախարարը տեղեկացրեց, որ քաղաքացիները, որոնք պատվաստվել են, և առնվազն երեք ամիս անցել է ամբողջական պատվաստումից, կարող են ստանալ խթանիչ դեղաչափը: Ըստ նրա՝ «Պֆայզեր»-ով կարող են պատվաստվել նաև 12 տարեկանից բարձր երեխաները:
Հիշեցնենք, որ 12 տարեկանից բարձր երեխաները կարող են պատվաստվել նաև «Մոդերնա»-ով։
Ավանեսյանը փաստեց՝ ավելի մեծ է հետաքրքրությունը «Մոդերնա»-ի և «Պֆայզեր»-ի նկատմամբ, սակայն մյուս պատվաստանյութերի հանդեպ վստահությունը ևս պահպանվում է:
