ՀՀ փոխոստիկանապետ Արա Ֆիդանյանն անդրադարձել է «Հայաստան» խմբակցության ներկայացրած նախագծին, որով առաջարկվում է ուժը կորցրած ճանաչել Վարչական իրավախախտումների վերաբերյալ ՀՀ օրենսգրքի այն դրույթները, որոնցով տուգանային միավոր, ինչպես նաև տրանսպորտային միջոցներ վարելու իրավունքի կասեցում է կիրառվում ճանապարհային երթևեկության կանոնների խախտումներ կատարածների նկատմամբ։
Փոխոստիկանապետի խոսքով. «Մենք այժմ քննարկում ենք դրա հակասահմանադրական լինելու հարցը, թե նրա նպատակայնությունը։ Որպես գնահատական կարող եմ հայտարարել՝ այո, այս համակարգն արդյունավետ է, շատ լուրջ կանխարգելիչ գործիք է։ Եթե անձը գիտի, որ պարբերաբար խախտում կատարելով զրկվելու է վարելու հնարավորությունից, միանշանակ ձգտելու է կրկին չկատարել նման խախտում»։
