Խոսում ենք հաջորդ տարի ևս 30 հեկտար տարածքի կանաչապատման, անտառապատման մասին, և զավեշտալին այն է, որ մեր ընդդիմախոսները մեզ պարբերաբար մեղադրում են կանաչ ֆոնդը վերացնելու մեջ. հայտարարել է քաղաքապետ Տիգրան Ավինյանը։
Նրա խոսքով, վերջին 2 տարում Երևանում տասնյակ հեկտարներով այգիներ ու անտառներ են տնկվել. «Եթե համեմատենք վերջին երկու տարին վերջին մի քանի տասնամյակի հետ, վստահորեն կարող ենք պնդել՝ վերջին 2 տարում ավելի շատ ծառ է տնկվել Երևանում, ծառեր, որոնք երեք ամիս հետո չեն չորացել»։ Նա հավելել է, որ այդ աշխատանքների հետ միասին նաև ոռոգման համակարգ են անցկացրել։
