Չեչնիայի մայրաքաղաք «Գրոզնի Սիթիի» բարձրահարկ շենքում պայթյուն է տեղի ունեցել, այն բանից հետո, երբ ուկրաինական անօդաչու թռչող սարքը հարվածել է դրան։
Ռուսական սոցիալական ցանցերում հաղորդել են միջադեպի մասին։ Նրանք լուսանկարներ են տարածել, որոնցում երևում է «Գրոզնի Սիթի» համալիրի վնասված բազմահարկ գրասենյակային շենքը։ Astra տելեգրամյան ալիքի տվյալներով՝ շենքում տեղակայված են Չեչնիայի անվտանգության խորհուրդը, հաշվիչ պալատը և ընտրական հանձնաժողովը։
Մասնավորապես, լուսանկարներում երևում է շենքի մի ամբողջ հատվածի մի քանի հարկերի վնասված ապակեպատ հատված։
