Միջազգային
Քոքերը շնորհավորել է Ալիևին օգոստոսին Վաշինգտոնում խաղաղության օրակարգի առաջխաղացման ուղղությամբ
Իլհամ Ալիևն ընդունել է Միացյալ Թագավորության պաշտպանության պետական նախարար լորդ Վերնոն Քոքերին։
Ըստ APA-ի, բրիտանացի նախարարը գոհունակություն է հայտնել Ադրբեջանի նախագահի հետ հանդիպման կապակցությամբ և նրան է փոխանցել վարչապետ Քեյր Սթարմերի ողջույնները։
Ալիևը նշել է, որ երկկողմ հարաբերությունները հարուստ պատմություն ունեն, ընդգծել է, որ երկրների միջև համագործակցությունը սկսվել է էներգետիկ ոլորտում և այդ ժամանակվանից ի վեր ընդլայնվել է՝ ընդգրկելով բազմաթիվ ոլորտներ։ Նա նշել է առևտրի, ներդրումների և այլ ոլորտներում համագործակցության հետագա ընդլայնման լավ հնարավորությունների առկայությունը։
Վերնոն Քոքերը շնորհավորել է Ալիևին օգոստոսին Վաշինգտոնում Ադրբեջանի և Հայաստանի միջև հարաբերությունների կարգավորման և խաղաղության օրակարգի առաջխաղացման ուղղությամբ ձեռք բերված արդյունքների համար։
Նախագահ Ալիևը շնորհակալություն է հայտնել շնորհավորանքների համար՝ ընդգծելով այս ամենի պատմական նշանակությունը և անդրադարձել ԱՄՆ նախագահ Դոնալդ Թրամփի հատուկ դերին այս հարցում։
