Ռուսաստանը մտադիր է զարգացնել երկկողմ հարաբերությունները Հայաստանի հետ, հայտարարել է Ռուսաստանի նախագահի մամուլի քարտուղար Դմիտրի Պեսկովը։
«Բազմակողմ ձևաչափերից բացի, մեզ միավորում են նաև շատ սերտ երկկողմ հարաբերություններ, և մենք մտադիր ենք դրանք է՛լ ավելի զարգացնել»,- ասել է Պեսկովը «Մայակ» ռադիոկայանին։
Պեսկովի կարծիքով, սակայն, Երևանը կարծում է, որ վարում է բազմավեկտոր քաղաքականություն, այդ թվում՝ ՇՀԿ-ին միանալու շահագրգռվածություն։
«Մենք տեսնում ենք, որ վերջին մի քանի տարիների ընթացքում Երևանը ձգտում է հավասարակշռության տարբեր ուղղություններով. տեսնենք, թե ինչ կբերի ԵՄ-ի հետ մերձեցումը»,- ասել է նա։
