«ԵՄ-ն կոչ է անում Ադրբեջանին՝ վերականգնել Լաչինի միջանցքում երթևեկության ազատությունն ու անվտանգությունը». Բորել
Միջազգային
31 Հունվարի, 13:27
ԵՄ-ի արտաքին քաղաքականության և անվտանգության հարցերով բարձր ներկայացուցիչ Ժոզեպ Բորելը, պատասխանելով Եվրախորհրդարանի բելգիացի պատգամավոր Ասսիտա Կանկոի՝ Լաչինի միջանցքի ապաշրջափակման վերաբերյալ հարցմանը, ասել է, որ կանոնավոր կապի մեջ է Հայաստանի և Ադրբեջանի արտաքին գործերի նախարարների հետ. «ԵՄ հատուկ ներկայացուցիչ Կլաարը նույնպես սերտ կապի մեջ է երկու կողմերի հետ:
ԵՄ-ն Ադրբեջանին կոչ է արել ձեռնարկել իր իրավասության տակ գտնվող բոլոր միջոցները՝ ապահովելու Լաչինի միջանցքի երկայնքով տեղաշարժի ազատությունն ու անվտանգությունը՝ համաձայն 2020 թվականի նոյեմբերի 9-ի եռակողմ հայտարարության իր պարտավորությունների»։
Հետևեք մեզ Telegram-ում
