Ճապոնիայում դեմոգրաֆիական ճգնաժամ է
Միջազգային
24 Հունվարի, 16:58
Ճապոնիայի վարչապետը նախազգուշացրել է երկրի բնակչության ճգնաժամի մասին՝ ասելով, որ այն ծնելիության անկման պատճառով գտնվում է «սոցիալական գործառույթների խաթարման եզրին»:
Օրենսդիրներին ուղղված ուղերձում վարչապետ Ֆումիո Կիսիդան ասել է, որ դա «հիմա կամ երբեք» իրավիճակ է, և որ «ուղղակի այլևս չի կարելի հետաձգել»:
Կիսիդան հայտնել է, որ կառավարությունը ցանկանում է կրկնապատկել իր ծախսերը երեխաների հետ կապված ծրագրերի վրա, և ապրիլին կստեղծվի նոր պետական գործակալություն, որը կկենտրոնանա այդ խնդրի վրա:
Ճապոնիայում աշխարհում ծնելիության ամենացածր ցուցանիշներից մեկն է, ընդ որում՝ առողջապահության նախարարությունը կանխատեսում է, որ 2023 թվականին այն վերջին 124 տարում առաջին անգամ կգրանցի 800 հզ․-ից պակաս ծնունդ։
Համաձայն կառավարության տվյալների՝ երկիրն ունի նաև աշխարհի կյանքի ամենամեծ տևողությունը. 2020թ.-ի տվյալներով Ճապոնիայում յուրաքանչյուր 1500-րդ քաղաքացին եղել է 100 և ավելի տարեկան:
Հետևեք մեզ Telegram-ում
