Միջազգային
Վենեսուելայում 7 տարվա ընթացքում առաջին անգամ նվազել է աղքատությունը
14 Նոյեմբերի 2022, 10:16
Վենեսուելայում աղքատության մակարդակը յոթ տարվա ընթացքում առաջին անգամ նվազել է՝ մեկ տարվա ընթացքում 90,9%-ից իջնելով 81,5%-ի։ Նման գնահատական է պարունակում տեղի կաթոլիկ համալսարանի հրապարակած զեկույցը։
Զեկույցի տվյալներով՝ 2022 թվականին բնակչության 81,5%-ը գտնվում է աղքատության շեմից ցածր, այսինքն՝ 10 վենեսուելացիներից 8-ը բավարար գումար չունեն՝ հիմնական սպառողական զամբյուղ ձեռք բերելու համար։ 2021 թվականին այս ցուցանիշը կազմել է 90,9%։
Վենեսուելայում ծայրահեղ աղքատության մակարդակը մեկ տարվա ընթացքում նվազել է գրեթե 15%-ով՝ 68%-ից հասնելով 53,3%-ի։
