Միջազգային
ՌԴ զինված ուժերը հրաժարվել են Դոնբասում Ուկրաինայի զինված ուժերի շրջափակումից
Ռուսաստանի ԶՈՒ հրամանատարությունը, ըստ երևույթին, հրաժարվել է ուկրաինական ստորաբաժանումների լայնածավալ շրջափակումն ավարտելու պլաններից՝ ի նպաստ Լուգանսկի շրջանի գրավումն ավարտելու։ Այդ մասին հայտնում են Պատերազմի ուսումնասիրման ամերիկյան ինստիտուտի (ISW) վերլուծաբանները: Կիրակի՝ մայիսի 15-ին հրապարակված զեկույցում փորձագետները համաձայնել են Լուգանսկի շրջանային ռազմական վարչակազմի ղեկավար Սերգեյ Գայդայի այն գնահատականին, ըստ որի՝ ռուսական բանակի ԳՇ-ն հասկանում է, որ չի կարող գրավել Դոնեցկը, սակայն հույսը դնում է Լուգանսկի շրջանի վարչական սահմաններին հասնելու հնարավորության վրա:
Միևնույն ժամանակ, ISW-ի վերլուծաբանները ենթադրում են, որ Ուկրաինա ներխուժած ռուսական բանակը սպառել է մարտունակ պահեստազորը, ինչը ստիպել է իր հրամանատարությանը՝ կանոնավոր բանակի ստորաբաժանումներից և ծովային հետևակից հավաքագրել տարբեր աշխատակիցների՝ ներառյալ մասնավոր ռազմական ընկերությունները և ոստիկանական կազմավորումները: Ուկրաինայի ԶՈՒ ԳՇ-ն ավելի վաղ հայտնել էր, որ մոտ 2500 ռուս պահեստազորայիններ մարզումներ են անցնում Բելգորոդի, Վորոնեժի և Ռոստովի մարզերում։
#Russian forces have likely abandoned the objective of completing a large-scale encirclement of #Ukrainian units from #Donetsk City to #Izyum in favor of completing the seizure of #Luhansk Oblast.
— ISW (@TheStudyofWar) May 16, 2022
Read the full report and see the maps: https://t.co/Sd8HoGtJhD pic.twitter.com/3ocYqX2B0O
