Միջազգային էներգետիկ գործակալության (IEA) զեկույցի համաձայն՝ մինչև այս տասնամյակի ավարտը արհեստական բանականության տեխնոլոգիաների համաշխարհային զարգացումը գրեթե այնքան էներգիա կպահանջի, որքան ներկայումս օգտագործում է Ճապոնիան։ Սակայն այդ պահանջարկի միայն մոտ կեսը հնարավոր կլինի բավարարել վերականգնվող աղբյուրներից։
Զեկույցում նշվում է, որ հիմնականում արհեստական բանականության համար տվյալների մշակումը մինչև 2030 թվականը միայն ԱՄՆ-ում ավելի շատ էլեկտրաէներգիա կսպառի, քան պողպատի, ցեմենտի, քիմիական նյութերի և այլ էներգատար ապրանքների արտադրությունը՝ միասին։
Համաձայն նույն զեկույցի՝ մինչև 2030 թվականը տվյալների մշակման կենտրոնների կողմից սպառվող համաշխարհային էլեկտրաէներգիայի ծավալը կկրկնապատկվի։ Դրա հիմնական շարժիչ ուժը կլինի հենց արհեստական բանականությունը. մենաշնորհային AI կենտրոնների էներգետիկ պահանջարկը կանխատեսվում է, որ կքառապատկվի։
«Այսօր մեկ տվյալների կենտրոնն սպառում է այնքան էլեկտրաէներգիա, որքան 100․000 տնային տնտեսությունը, սակայն կառուցման փուլում գտնվող որոշ կենտրոններ 20 անգամ ավելի շատ էներգիա կպահանջեն», – նշված է զեկույցում։
