Լոնդոնի «Չելսին» գերազանցեց Անգլիայի Պրեմիեր լիգայի տրանսֆերային ռեկորդը՝ 106 միլիոն ֆունտ-ստերլինգ արժողությամբ ցնցող գործարք կնքելով արգենտինացի կիսապաշտպան Էնցո Ֆերնանդեսի հետ:
«Կապույտները» տրանսֆերային «բլոկբաստերը» ավարտեցին չորեքշաբթի վաղ առավոտյան՝ ձմեռային տրանսֆերային պատուհանի վերջին օրը։
Սա նշանակալի ամիս է Ֆերնանդեսի համար, ով ոչ միայն իր երկրի հետ հաջողություն ունեցավ Քաթարում, այլև ստացավ ՖԻՖԱ-ի՝ լավագույն երիտասարդ խաղացողի մրցանակը։
Նշենք, որ 22-ամյա Ֆերնանդեսը նորամուտը նշել է 2019 թվականին՝ արգենտինական «Ռիվեր Փլեյթի» կազմում։
Հիշեցնենք, որ Էնցո Ֆերնանդեսը «Բենֆիկայի» կազմում հանդես էր գալիս 2022թ. հուլիսից` անցկացրած 29 խաղում դառնալով 4 գոլի և 7 գոլային փոխանցման հեղինակ։
