Երևանի ավագանու «Հանրապետություն» խմբակցության ղեկավար Անի Խաչատրյանը լրագրողների հետ ճեպազրույցում ասել է, թե Նոր Արեշում տեղի ունեցած պայթյունի հետևանքով փլատակներում մնացած 2 անձինք ողջ են, արձագանքում են:
«Կարծես թե մահացած մարդիկ չկան, փառք Աստծո»,- ասել է նա՝ հավելելով,- «Ողջ են մարդիկ, արձագանքում են, խոսում են»։
Հիշեցնենք՝ այսօր ժամը 11:36-ին Ճգնաժամային կառավարման ազգային կենտրոն ահազանգ է ստացվել, որ Երևանի Նոր Արեշ 34-րդ փողոցում տեղի է ունեցել պայթյուն:
