«Պարզ չէ՝ ինչի մասին է խոսքը». ԱԳ փոխնախարարը՝ ԵՄ դեսպանի հայտարարությունների մասին
Քաղաքական
15 Մայիսի, 12:47
ՀՀ արտաքին գործերի փոխնախարար Պարույր Հովհաննիսյանը լրագրողների հետ ճեպազրույցում հայտարարել է, թե իր համար պարզ չէ՝ ի՞նչ նկատի ուներ ՀՀ-ում ԵՄ դեսպան Անդրեա Վիկտորինը, երբ այսօր ասուլիսին հայտարարում էր, թե մեկ-երկու կետ կա, որտեղ հայկական զորքերը սահմանին են։
«Ինձ համար էլ պարզ չէ՝ ինչի մասին է խոսքը, հավանաբար, խոսքը վերաբերում է ԼՂ առաջին պատերազմին, թերևս, այդ տեսանկյունից պետք է նայել, բայց ես էլ եմ դժվարանում ասել, թե ինչի մասին է խոսքը», - ասել է նա։
Փոխնախարարի խոսքով՝ ընդունված ձևաչափ է միշտ դիմել երկու կողմերին, բայց ակնհայտ է, որ խոսքը գնում է ՀՀ տարածքից ադրբեջանական զորքերի դուրսբերմանը։
Հետևեք մեզ Telegram-ում
