«Այս պահին մեր խմբակցության օրակարգում նման հարց չկա». Արթուր Հովհաննիսյան
Քաղաքական
28 Փետրվարի, 20:24
ՀՀ ԱԺ «Հայաստան» և «Պատիվ ունեմ» խմբակցությունները միացել են ՍԴ դատավոր Սեդա Սաֆարյանի լիազորությունները դադարեցնելու հարցով ՍԴ դիմելու՝ փաստաբաններ Արսեն Բաբայանի և Սոս Հակոբյանի միջնորդությանը: Այժմ ընդդիմադիր խմբակցություններն անհրաժեշտ նախագիծը կդնեն շրջանառության մեջ:
Անդրադառնալով այդ նախաձեռնությանը՝ Radar Armenia-ի հարցին ի պատասխան ԱԺ «Քաղաքացիական պայմանագիր» խմբակցության քարտուղար Արթուր Հովհաննիսյանն ասաց. «Այս պահին մեր խմբակցության օրակարգում նման հարց չկա, երբ լինի, խմբակցությունն իր դիրքորոշումը կհայտնի»։
Հիշեցնենք՝ փաստաբանները սոցցանցերի իրենց էջերում հրապարակել էին փաստաթղթեր, այնուհետ հանդես եկել ասուլիսով՝ պնդելով, որ ՍԴ դատավոր Սեդա Սաֆարյանը, լինելով դատավոր, զբաղվել է նաև փաստաբանական գործունեությամբ։
Հայկ Մագոյան
Հետևեք մեզ Telegram-ում
