Fitch միջազգային վարկանիշային գործակալությունը իջեցրել է Թուրքիայի երկարաժամկետ տնտեսական վարկանիշը «B+»-ից՝ «BB-»: Թուրքիայի ընթացիկ վարկանիշը չորս կետով ցածր է ներդրումային նվազագույնից։ Որպես հիմնական պատճառներ, Fitch-ի փորձագետները նշում են բարձր գնաճը, ցածր արտաքին իրացվելիությունն ու անվստահությունն իշխանությունների քաղաքականության նկատմամբ:
Հավելենք, որ սկսած 2021թ. սեպտեմբերից` Թուրքիայի Կենտրոնական բանկը կրճատել է իր հիմնական տոկոսադրույքը 500 բազիսային կետով` այն դեպքում, երբ զարգացող այլ շուկաների կենտրոնական բանկերը հիմնականում խստացրել են իրենց դրամավարկային քաղաքականությունը `ջանալով զսպել գնաճային տատանումները: Թուրքիայի Կենտրոնական բանկը այդպիսի որոշում էր կայացրել նախագահ Ռեջեփ Թայիփ Էրդողանի ճնշման արդյունքում, որը պնդում էր, որ այդպիով հնարավոր կլինի խթանել տնտեսական աճը:
