Վերսալ, Ֆրանսիա
Նեոդասական ոճով Փոքր Տրիանոյի ազնվական տեսքը համահունչ է իր պատմությանը: Այգին Լուի 16-րդը նվիրել է իր երիտասարդ թագուհուն՝ Մարի Անտուանետին: Այն կառուցվել է 1762-1768թթ.՝ Անժ-Ժակ Գաբրիելի կողմից: Այս պալատը գտնվում է այն ագիների տարածքում, որտեղ կառուցվել է նաև արքայի սեփական պալատը՝ Մեծ Տրիանոն: Երբ Մարի Անտուանետը ընդունեց նվերը, նա առաջին հերթին հրամայեց վերափոխել ամուսնու կառուցած այգին՝ վերափոխելով ոճն անգլո-արևելյանի: Իր ողջ կյանքի ընթացքում թագուհին շարունակել է զարդարել իր սիրած այգին:
Բանգկոկ, Թայլանդ
Այս հայտնի կանաչ պատը, որը զարդարում է Կասեցարտ համալսարանի տնտեսագիտության բաժնի շինությունները, ոմանք համարում են կանաչ տարածքների ավելացման տեսանկյունից անարդյունավետ միջոց, ոմանք էլ դիտարկում են այն որպես կլիմայական փոփոխությանը արձագանքելու արդյունավետ ձև: Այն որքան էլ դեկորատիվ է, այնուամենայնիվ, շահեկան է բնության համար: Ամեն դեպքում այն շատ գեղեցիկ է և կրճատում է էներգասպառողությունը:
Նյու Յորք, ԱՄՆ
Այս այգին հավասարապես և՛ ճարտարապետական գործ է, և՛ լողացող այգի՝ Նյու Յորքի Փոքր կղզում, որը ի կատար է ածվել ութ տարվա ընթացքում՝ բրիտանացի դիզայներ Թոմաս Հիթերուիքի կողմից: Մտքում ունենալով իր ծննդավայրի դասական անգլիական բնապատկերների պատկերը՝ նա որոշեց Փոքր կղզու 2,4 հա տարածքին հաղորդել լրիվ այլ տեսք՝ վերածելով իսկական այգու: Այգում կան նաև երկու համերգասրահներ, որոնցից մեկը կարող է տեղավորել մինչև 68, մյուսը՝ 200 այցելու:
Սինգապուր
Օդանավակայանները սովորաբար այն վայրը չեն, որտեղ մարդիկ ցանկանում են երկար մնալ և ժամանակ անցկացնել: Սակայն Ջուել Չանգի օդանավակայանի Շիսեիդոյի անտառային հովիտը այդ բացառություններից է: Այսպիսի արտասովոր այգու կառուցումը կարելի է տրամաբանական համարել, եթե հիշենք, որ Սինգապուրը աշխարհին հայտնի է որպես քաղաք-այգի: Այն գրավում է այցելուներին ոչ միայն որպես տեսարժան վայր, այլև՝ որպես «սրբատեղի»: Օրինակ, իր արևմտյան արահետը՝ թարթող լույսերով, լուսավորվող ծառերով, ցածր երաժշտությամբ և «SHISEIDO Ultimune» բուրաջրի հաճելի հոտով, աներևակայելի տպավորություններ կարող են տալ յուրաքանչյուր այցելուի:
Դե ինչ, մնում է սեփական աչքով տեսնել այս հրաշք այգիները:
Գայանե Բաբայան
