Բլինքենը կխոսի Լավրովի հետ
Միջազգային
12 Փետրվարի 2022, 14:38
ԱՄՆ պետքարտուղար Էնթոնի Բլինքենը հայտարարել է, որ ծրագրում է շաբաթ օրը հեռախոսազրույց ունենալ Ռուսաստանի արտգործնախարար Սերգեյ Լավրովի հետ։
«Ես նախատեսում եմ ընդգծել դաշնակիցների միասնությունն ու վճռականություն, երբ այսօր կխոսեմ պարոն Լավրովի հետ», - հայտարարել է Բլինքենը՝ Խաղաղ օվկիանոսի կղզիների ղեկավարների հետ առցանց կոնֆերանսից հետո: Նա նաև հայտնել է, որ նույն օրը նախատեսում է հեռախոսազրույց ունենալ Մեծ Բրիտանիայի արտաքին գործերի նախարար Էլիզաբեթ Թրաի հետ։ ՌԴ ԱԳՆ-ն արդեն իսկ հաստատել է, որ Բլինքենը հեռախոսազրույց է խնդրել Լավրովի հետ։
Հիշեցնենք, որ նախորդ անգամ Լավրովն ու Բլինքենը հեռախոսազրույց են ունեցել փետրվարի 1-ին։ Խոսակցությունը ստացվել է պրոֆեսիոնալ և բավականին անկեղծ, բանակցությունների արդյունքում կողմերը չեն պայմանավորվել նոր շփման ժամկետի շուրջ։ ՌԴ ԱԳՆ-ի տվյալներով՝ Լավրովը կոչ է արել ԱՄՆ-ին ագրեսիվ հռետորաբանություն և Ուկրաինային զենք մատակարարելու փոխարեն Կիևին ստիպեն կատարել մինսկյան պայմանավորվածությունները։
