Երևանի ընտրություններ - 2023
«Քվեարկել եմ հանուն մեր ու մեր երեխաների ապագայի և ավելի լավ քաղաքի». Ավինյան (ՏԵՍԱՆՅՈՒԹ)
ՔՊ Երևանի քաղաքապետի թեկնածու Տիգրան Ավինյանը քվեարկությունից հետո պատասխանել է լրագրողների հարցերին։
«Քվեարկել եմ հանուն Երևանի շարունակական զարգացման, քվեարկել եմ հանուն մեր ու մեր երեխաների ապագայի և ավելի լավ քաղաքի»,- ասել է նա։
Նա խոսել է ընտրացուցակների խնդրին. «Որևէ տրամաբանություն չկա մեզ մեղադրելու։ Կարծում եմ՝ ընտրությունների վերջում կարող եք գնալ, տեսնել՝ այդ մարդկանց քանի տոկոսն է գնացել ընտրության։ Իմ տեղեկատվությամբ ավտոմեքենայի ինչ-որ առքուվաճառքով զբաղվող խումբ է եղել, մարդ է եղել, որ գրանցել է նրանց»։
Նա նաև նշել է. « Եթե ժողովրդավար, արդար ընտրություններ ենք այսօր ունենալու, վարչական ռեսուրսի կիրառումը կամ այդ մարդկանց հավաքներին բերելը որևէ տրամաբանություն չունի»:
Ավինյանը խոսել է նաև ընտրացուցակներում մահացած անձանց անունների առկայությանը. «Ցուցակները բաց են եղել և վստահաբար անճշտություններ էլ կարող են լինել: Ընտրություններից հետո կարելի է ստուգել՝ ովքեր են գնացել ընտրությունների, և արդյո՞ք այդ մարդկանց անվան դիմաց ստորագրություն տեսնում եք»:
