Երևանի ընտրություններ - 2023
«Մենք այլևս ժամանակ չունենք սպասելու, աշխատելու ժամանակն է»․ Տիգրան Ավինյան
«Քաղաքացիական պայմանագիր» կուսակցության նախընտրական երթին հաջորդած հանրահավաքի մեկնարկին Երևանի փոխքաղաքապետ Տիգրան Ավինյանը ողջունեց բոլոր վարչական շրջանի բնակիչներին։
«Երեք շաբաթ չէ, որ շրջում ենք բոլոր թաղերով և փողոցներով, արդեն մոտ մեկ տարի բակ ու փողոց չի մնացել, որ չենք այցելել, չենք խոսել Երևանի ու մեր խնդիրների մասին»,- նշեց Ավինյանը։
Փոխքաղաքապետի խոսքով՝ այս ընտրությունները քաղաքական են, որովհետև եթե տասնամյակներով կառուցեինք մեր մանկապարտեզները, բակերը, շենացնեինք մեր դպրոցները, բարձրացնեինք մեր համալսարանների որակը, կհզորանային մեր տնտեսությունն ու մեր բանակը, և գուցե շատ բաներ այլ կերպ լինեին։
«Մենք այլևս ժամանակ չունենք սպասելու, դերասանություն անելու, արդարացումներ փնտրելու, մեղադրելու։ Մենք ունենք ժամանակ միայն քրտնաջան աշխատելու, վերականգնելու Երևանի բոլոր ենթակառուցվածքները»,- ասաց Տիգրան Ավինյանը։
