Անդրանիկ Թևանյանի ամփոփիչ ուղերձը՝ Երևանի ավագանու ընտրություններին ընդառաջ

Անդրանիկ Թևանյանի ամփոփիչ ուղերձը՝ Երևանի ավագանու ընտրություններին ընդառաջ.

«Սիրելի՛ երևանցիներ,

Ավարտվեց Երևանի ավագանու ընտրության քարոզարշավը: Մենք եղել ենք բոլոր վարչական շրջաններում, սեղմել ենք հազարավոր ձեռքեր, ներկայացրել ենք մեր ծրագրերը:

Սա սովորական ընտրություն չէ: Այն ճակատագրական է լինելու Հայաստանի ու Արցախի համար: Բոլորիս առաջ դրված է իրակա՛ն խաղաղության և իրակա՛ն պատերազմի ընտրության հարցը: Այս իշխանության մնալու դեպքում պատերազմն ու կորուստներն անխուսափելի են լինելու: Բոլորիս ընտրությունից է կախված մեր երեխաների, մեր երկրի ապագան:

Ես գիտեմ, թե ինչ քայլեր պետք է անենք այս դժվարին իրավիճակից դուրս գալու համար: Ակտիվ մասնակցե՛ք ընտրությանը: Ընտրությունից խուսափելը հավասարազոր է լինելու այս իշխանության օգտին, պատերազմի օգտին քվեարկելուն:

Համոզված եմ, որ մեր ժողովրդի ճնշող մեծամասնությունը հասկացել է իրավիճակի լրջության աստիճանը և կատարելու է ճի՛շտ ընտրություն: Վստահ եմ, որ մենք միասին կարող ենք ամբողջական իշխանափոխություն իրականացնել՝ այն սկսելով Երևանից:

Իշխանափոխություն Երևանում, իշխանափոխություն Հայաստանում»։

Նմանատիպ նյութեր

Մի շարք կուսակցությունների ձայներն ավելացել են. ընտրական հանձնաժողովներում ամփոփվել են վերահաշվարկի արդյունքները

Երեկ, 11:15

Երևանի 10 ընտրատարածքային հանձնաժողովներն ամփոփել են 78 տեղամասերում արվող վերահաշվարկի արդյունքները։

Հանձնաժողովը սեփական նախաձեռնությամբ վերահաշվարկ կանի նաև 10/26 տեղամասում

19 Սեպտեմբերի, 14:55

«Անկախ ամեն ինչից՝ թիվ 10 ընտրատարածքային տեղական հանձնաժողովը սեփական նախաձեռնությամբ 10/26 տեղամասում վերահաշվարկ կիրականացնի»,- նշեց նա։

ԸԸՀ-ներում առկա է վերահաշվարկի մեկ դիմում

19 Սեպտեմբերի, 13:18

Երևանի թվով 10 ընտրատարածքային հանձնաժողովներից վերահաշվարկի դիմում առկա է միայն թիվ 8 ընտրատարածքային ընտրական հանձնաժողովում՝ թվով մեկ դիմում։