Երևանի ընտրություններ - 2023
«Պատրաստվում ենք Երևանում ևս 300 հա անտառածածկ տարածք վերականգնել»․ Տիգրան Ավինյան
12 Սեպտեմբերի 2023, 20:52
Մեկ տարի գլուխներս կախ գործ ենք արել, արաբկիրցիների հետ հանդիպմանն ասել է Երևանի փոխքաղաքապետ Տիգրան Ավինյանը։
«Այս ընթացքում մարդիկ, ովքեր ասում էին դուք քարոզչություն եք անում, քարոզարշավ եք սկսել, իրենք սկսել էին հակաքարոզը։ Այս հսկայական աշխատանքի, օվկիանոսի մեջ գտնում էին մազ և ոչ ոք չէր ասում՝ ապրեք, որ 35 հա անտառ եք տնկել, իսկ մենք պատրաստվում ենք ևս 300 հա անտառածածկ տարածք վերականգնել։
Մի կետ եղավ, երբ հասկացանք, որ պատասխանատվություն վերցնելու կարողություն ունենք և բավական կամք, և այդ կետից սկսած Երևան քաղաքում սկսվեց մի այլ տրամաբանություն, այգիների վերակառուցումը դարձավ ամենակարևոր ծրագրերից մեկը և այդ այգիների բարեկարգումն սկսվեց հենց Մերգելյանի այգուց»,- նշել է փոխքաղաքապետը։
