Երևանի ընտրություններ - 2023
«Կվերանայվեն մանկապարտեզների ու նախակրթարանների աշխատակիցների աշխատավարձերը». Տիգրան Ավինյան
ՔՊ Երևանի քաղաքապետի թեկնածու Տիգրան Ավինյանը հայտարարել է, որ վերանայվելու են ոչ միայն Երևանի, այլև Հայաստանի բոլոր մանկապարտեզների և նախակրթարանների աշխատակիցների աշխատավարձերը։ «Սա նրա համար չի արվում, որ ավելի լավ կադրեր բերենք։ Ամենալավ կադրերն այնտեղ արդեն աշխատում են, և իրենց սերն ու ուշադրությունը տալիս են իրենց երեխաներին։ Իսկ մենք ընդամենը մեկ բան ունենք անելու՝ գնահատել և արժևորել իրենց աշխատանքը»,- ասաց նա։
Տիգրան Ավինյանը նշեց, որ մեկ տարի շարունակ գործել են մեկ սկզբունքով՝ քաղաքացին ասել է ինչ-որ բաներ, և իրենք արել են դա. «Բայց կա մեկ այլ կարևոր շերտ մեր կարգախոսի, մեր խոսակցության մեջ՝ Երևանը մեզ տասնամյակներով տվել է մեզ լավը, դրականը, եղել է մեր տունը, տվել է մանկություն, պատանեկություն, ընկերներ, ընտանիք, երեխաներ, թոռներ և այսպես շարունակ։ Մենք տասնամյակով այս քաղաքին լավ չենք վերաբերվել, լավ չենք վերաբերվել որպես սեփական տան։ ՈՒ երբ ասում ենք՝ ասեք, կանենք, այդտեղ կարևոր է ձեր ներդրումն ամեն նախագծի մեջ»,- շեշտեց նա։
