Երևանի ընտրություններ - 2023
Քարոզարշավի ընթացքը գնահատում եմ շատ դրական. Տիգրան Ավինյան
ՔՊ քաղաքապետի թեկնածու Տիգրան Ավինյանն այսօր նախընտրական քարոզարշավի շրջանակներում հանդիպում է անցկացնում Մալաթիա-Սեբաստիա վարչական շրջանի բնակիչների հետ։
Մինչ հանդիպումների մեկնարկը, լրագրողների հետ ճեպազրույցում Տիգրան Ավինյանը նշել է, որ քարոզարշավի ընթացքը գնահատում է շատ դրական, իրենց բոլոր վարչական շրջաններում դրական են ընդունում. «Եւ կարծում եմ՝ դա շատ տրամաբանական է, որովհետև այդ մարդիկ վերջին շրջանում տեսել են մեզ բակերում, տեսել են իրենց պահանջները լսելիս և տեսել են այն աշխատանքը, որ իրականացնում ենք իրենց պահանջով»։
Ավինյանը նաև նշել է, թե Յուրաքանչյուր ընտրություններ քաղաքական են և ամեն ընտրություն ունի իր նպատակը. «Երևանի ավագանու ընտրությունները Երևան քաղաքի մասին են, երևանցիների մասին են, բակերի, մանկապարտեզների, պոլիկլինիկաների մասին են, մեր քաղաքում ապրող մարդկանց կյանքը ավելի լավը դարձնելու մասին են»։
