Երևանի ընտրություններ - 2023
Երևանի աչքը ճամփին է՝ ձեր կարոտով. եկեք, տեր կանգնեք ձեր քաղաքին. Վիկտոր Մնացականյան
Երևանի ավագանու ընտրություններում «Հաղթանակ» կուսակցության առաջին համար Վիկտոր Մնացականյանը գրառում է կատարել, որտեղ նարկայացրել է այն կայքը, որտեղ արտերկրում ապրող երևանցիները կարող են նվիրատվություն կատարել։
«Արտերկրում բնակվող սիրելի իմ ընկերներ, բարեկամներ, «Հաղթանակ» կուսակցության համակիրներ, ի պատասխան ձեր բազում հարցումների, մեզ աջակցելու ձեր պատրաստակամության՝ ցանկանում եմ տեղեկացնել, որ մեր կուսակցության պրոգրեսիվ «Վիկտորի պլան»-ի իրագործմանը և բոլորիս սիրելի Մարդամոտ Երևանի մեր տեսլականն իրականություն դարձնելուն կարող եք սատարել ձեր նվիրատվություններով https://www.victory.am/donate կայքի միջոցով, իհարկե, պահպանելով ՀՀ օրենսդրության պահանջը, այն է՝ լինել Հայաստանի Հանրապետության քաղաքացի)։
Բայց այսօր առավել կարևոր է, որ առաջիկա ընտրություններում լսվի ձեր ձայնը: Երևանի աչքը ճամփին է, ձեր կարոտով. եկեք, տեր կանգնեք ձեր քաղաքին, Ախպերներ...
Շնորհակալ եմ յուրաքանչյուրիդ աջակցության, Երևանը սիրելու և մարդամոտ քաղաքին համակրելու համար»,- այս մասին ասվում է նրա «Ֆեյսբուքի» էջում արված գրառման մեջ։
