Երևան
«Howo» մակնիշի 15 նոր աղբատար մեքենաները ներգրավված են մայրաքաղաքը մաքրելու գործընթացին (ՏԵՍԱՆՅՈՒԹ)
Արդեն մեկ ամիս է՝ մայրաքաղաքի աղբահանությունը կատարվում է Երևանի քաղաքապետարանի կողմից ձեռք բերված «Howo» մակնիշի աղբատար նոր մեքենաներով: Դրանք, ի տարբերություն նախկինում շահագործվող աղբատարների, ունեն մի շարք առավելություններ:
Մասնավորապես՝ աղբատարներում աղբաջրերի համար նախատեսված երկու ամբարները բացառում են կեղտաջրերի հոսքը փողոց: Նոր աղբատարներն ավելի հարմարավետ են ու ճկուն, ինչը դրանց մուտքը բակային տարածքներ դարձնում է ավելի դյուրին: Բացի այդ, մեքենաներն ունեն անհրաժեշտ այն բոլոր սարքավորումները, որոնք վարորդների համար ստեղծում են աշխատանքային առավել հարմար պայմաններ: «Howo»-ներում տեղադրված են նաև ներքին հովացման համակարգեր: Եվս մեկ առավելության շնորհիվ վարորդները հնարավորություն ունեն առանց մեքենաներից դուրս գալու աղբը բեռնաթափել ներսից կառավարվող վահանակներով:
