Երևանի քաղաքապետ Տիգրան Ավինյանը հայտարարել է, որ մարդկային գործոնի ազդեցությունը օդի որակի վրա քիչ է, բայց իրենք այդ ուղղությամբ էլ աշխատանքներ են անելու։
«Իրականում պետք է հասկանանք, որ շինարարությունը, ավտոմեքենաները և մնացածը ինչ կա ամառվա, գարնան ու աշնան սեզոններին՝ ավելի ակտիվ են, ազդեցություն ունեն։ Բայց եթե այդ ազդեցությունը ահռելի լիներ, ամառվա ամիսներին ավելի վատ վիճակ պետք է ունենայինք օդի որակի տեսանկյունից։ Մարդածին գործոնները ավելի փոքր ազդեցություն ունեն այս երևույթի վրա, սակայն այդ մարդածին գործոնների վրա ճիշտ թիրախային ազդեցության դեպքում 10-15 օրվա ընթացքում կարող է հնարավորություն ունենանք 1.5-2 ամսվա օդի որակի վրա որոշակի ազդեցություն ունենալ»,- ասել է նա։
Խոսելով լուծումների մասին, նա նշել է, որ պետք է քննարկեն ու վերլուծեն. «Բարդ լուծումներ են լինելու, էական սահմանափակումների մասին է, բայց կարծում եմ՝ մեր առողջությունը, երեխաների առողջությունը ավելի կարևոր են, քան հնարավոր սահմանափակումները, որ պետք է մտցնենք 10-15 օրերի ընթացքում»։
