Երևանի քաղաքապետարանի գործակարգավարական նիստում զեկուցվել է Նուբարաշենի աղբավայրում իրականացվող աշխատանքների մասին:
Նշվել է, որ իրականացվել են նաև հավաքված աղբից մաքրման, հողային շերտով ծածկման աշխատանքներ:
Ողջ տարածքում ապահովվել է տեխնիկայի համար հասանելիություն, որպեսզի տարածքի ցանկացած հատվածում խնդրի առաջացման դեպքում հասանելի լինի այդ հատվածը տեխնիկայի օգտագործման և խնդրի շուտափույթ լուծման համար: Տարածքում առանձնացվել է շուրջ 5000 քմ հատված, որտեղ իրականացվել է հարթակի կառուցում, 5000 քմ վրա իրականացվել է հարթեցում, ասֆալտի քերուկով պատում:
Նուբարաշենի աղբավայրում տեղադրվել են արգելափակոցներ, այժմ մուտքերն ու ելքերը վերահսկվում են, բացառվում է կողմնակի անձանց մուտքը տարածք: Կատարվել են լուսավորության ցանցի անցկացման աշխատանքներ: Տեղադրվել է 29 հենասյուն՝ իր լուսատուներով, և տարածքը ներկայումս լուսավորված է: Ընթացքի մեջ են տարածքի տեսահսկման աշխատանքները:
