Երևանի քաղաքապետ Տիգրան Ավինյանն անդրադարձել է մայրաքաղաքի բակերում իրականացվող աշխատանքներին:
«Տասնյակ բակերի կառուցումը իրականում մեր ծրագրի ամենակարևոր բաղադրիչներից մեկն է: Մենք կենդանացնում ենք բակերում եղած միջավայրը, որոշ դեպքերում՝ զրոյից ենք այն ստեղծում»,- հայտնել է նա:
Ըստ քաղաքապետի՝ այս աշխատանքներն իրենց ծավալով ու քանակով աննախադեպ են:
«Մենք 2022 թ.-ից մոտավորապես այս տեմպերով ու ծավալներով ենք իրականացրել աշխատանքը. Երևան քաղաքում հարյուրավոր բակեր են կառուցվել, և դրանք իրենց հետքն են թողնելու մեր բակային միջավայրի վրա, հույս ունենք՝ թողնելու են նաև ֆուտբոլային ապագայի վրա»,- ասել է նա:
