Ժամանցի համաշխարհային պլատֆորմներից JB-ն կազմել է աշխարհի լավագույն գիշերային կյանք ունեցող քաղաքների տասնյակը, որտեղ ներառված է նաև Երևանը։ Հայաստանի մայրաքաղաքը 7-րդ տեղում է։ Լավագույն տասնյակում են Բարսելոնան, Փարիզը, Տոկիոն, Պրագան, Թբիլիսին, Սեուլը, Բանգկոկը, Բալին և Բուդապեշտը։
Ժամանցային JB հարթակի տվյալներով՝ Բարսելոնան ճանաչվել է աշխարհում լավագույն քաղաքը գիշերային կյանքի տեսանկյունից։ Հետազոտությունը ցույց է տվել, որ ամենաբարձր վարկանիշ ունեցող 10 քաղաքից հինգը գտնվում է Եվրոպայում, իսկ Բարսելոնան գլխավորում է ցուցակը՝ զգալի թվով ժամանցային վայրերի, մատչելի խմիչքների և երկարացված աշխատանքային ժամերի շնորհիվ։ Կատալոնիայի մայրաքաղաքում կա ավելի քան 300 բար և փաբ՝ 100 քմ տարածքի հաշվով, խմիչքի միջին գինը կազմում է 4,65 դոլար (4 եվրո), իսկ հաստատությունները գործում են մինչև առավոտյան 6:00-ը։
Եվրոպական այլ քաղաքներից, որոնք ընդգրկվել են վարկանիշում, Փարիզը, Թբիլիսին, Պրահան և Բուդապեշտն են, որտեղ խմիչքների գները հասնում են մինչև 2,99 դոլարի (2,50 եվրո), իսկ ակումբները բարձր գնահատականներ են ստացել այցելուների կողմից։
Եվրոպայից դուրս Տոկիոն զբաղեցրել է երրորդ տեղը՝ բարձր գնահատվելով անվտանգության համար, իսկ Սեուլը, Երևանը, Բանգկոկը և Բալին նույնպես ներառվել են լավագույն տասնյակում։ JB-ն նշել է, որ այժմ գիշերային կյանքը դարձել է ուղևորության վայր ընտրելու հիմնական գործոններից մեկը։
«Մոտ 60 տոկոս ճանապարհորդներ այժմ ընտրում են ուղղությունը գիշերային կյանքի պատճառով, ինչը ցույց է տալիս, թե որքան կարևոր է մարդկանց համար այն, ինչ տեղի է ունենում մթնշաղից հետո։ Բայց անվտանգությունն ամենակարևորն է, երբ դուք ալկոհոլ եք օգտագործում նոր քաղաքում, հատկապես եթե ճանապարհորդում եք միայնակ կամ ընկերների հետ»,- ասել է JB-ի ներկայացուցիչը։
Հետազոտությունը նաև ցույց է տվել, որ գիշերային կյանքին ուղղված ծախսերը կազմում են շուրջ միջինում 15% զբոսաշրջիկների ամբողջ ճամփորդական բյուջեից։
