Երևանի քաղաքապետ Տիգրան Ավինյանը հանդիպել է Դուբայ քաղաքի գործադիր տնօրեն Մարվան Ահմեդ Բին Ղալիտայի հետ։
Հանդիպման ընթացքում կողմերը քննարկել են Երևանի և Դուբայի միջև համագործակցության հնարավորությունները՝ հատկապես քաղաքային թվայնացման, նորարար տեխնոլոգիաների և կառավարման արդյունավետությունը բարձրացնելու ոլորտներում։
«Դուբայի տպավորիչ զարգացումն ու առաջադեմ տեսլականը ոգեշնչող օրինակ են աշխարհի շատ քաղաքների համար։ Համոզված եմ, որ երկու քաղաքների գործընկերությունը կնպաստի նոր նախաձեռնությունների իրականացմանը, փորձի փոխանակմանը և քաղաքային զարգացման նոր որակի ձևավորմանը»,- սոցցանցի իր էջերում գրել է քաղաքապետը։
