«Կայթ» կրթամշակութային հասարակական կազմակերպությունը, մասնակցելով Երևանի քաղաքապետարանի «Հայ մեծանուն մշակութային գործիչների» հոբելյանական միջոցառումների համար հայտարարված մրցույթին, հաղթել է՝ ներկայացնելով «Հայրիկն ուԱղվեսիկը» մանկական նախագիծը: Այն նվիրված է Հայրիկ Մուրադյանի 120-ամյակին։ Այս մասին տեղեկացնում է Երևանի քաղաքապետարանը։
Ծրագրի շրջանակում տպագրված մանկական ինտերակտիվ երաժշտական գրքերի ողջ տպաքանակը կտրամադրվի Երևանի քաղաքապետարանի ենթակայությամբ գործող մանկապարտեզներին և դպրոցներին։
Հոկտեմբերի 25-ին՝ ժամը 15:00-ից մինչև 17:00-ն, Երևանի Մանկական այգում կհնչեն Հայրիկ Մուրադյանի մանկական երգերը՝ ժամանակակից գործիքավորմամբ և մանկական կատարումներով: Մուտքն ազատ է:
