Երևանի փոխքաղաքապետ Արմեն Փամբուխչյանը սոցցանցի իր էջում հայտնել է, որ այսօր Շենգավիթ վարչական շրջանի աշխատակազմին ներկայացրել է նորանշանակ ղեկավար Տիգրան Գաբրիելյանին։
«Հաջողություններ մաղթելով պատասխանատու աշխատանքում՝ կարևորեցի վարչական շրջանների դերը՝ ի հայտ եկող խնդիրների արագ արձագանքման և բնակիչների հետ մշտական կապի ապահովման գործում։
Շնորհակալություն հայտնեցի նաև նախկին ղեկավար Ռազմիկ Մկրտչյանին՝ համատեղ արդյունավետ և հաջողված աշխատանքի համար»։
