Երևանի քաղաքապետի տեղակալ Սարգիս Մադաթյանը հանդիպել է Նիսի քաղաքապետի ներկայացուցիչ, խորհրդական Պիեր Ֆիորիի գլխավորած պատվիրակության հետ: Կարևորելով հայ-ֆրանսիական ապակենտրոնացված համագործակցության ընդլայնումն ու զարգացումը՝ Երևանի փոխքաղաքապետը նշել է, որ այդ համատեքստում առանցքային դեր ունի նաև Երևան-Նիս գործակցությունը:
Երկու քաղաքները փոխգործակցության ծրագրեր են իրականացնում առողջապահության ու բնապահպանության ոլորտներում: Կողմերը փաստել են, որ այսպիսի նախաձեռնությունները մեծապես նպաստում են մասնագիտական զարգացմանը, նորարարական լուծումների ուսումնասիրմանն ու փորձի փոխանակմանը: Հանդիպման ընթացքում անդրադարձ է եղել նաև երկուստեք հետաքրքրություն ներկայացնող մի շարք այլ հարցերի:
