Արցախահայերի համար բազմաթիվ լավ ծրագրեր են արվում. Երևանի ավագանու նիստում ասել է «Քաղաքացիական պայմանագիր» խմբակցության անդամ Լևոն Լևոնյանը։
«Եթե վատը ասում եք, խնդրեմ՝ լավ կողմերն էլ ասեք, որ, այո, պետությունը աջակցում է, փորձում է արցախցու մատից փուշ հանի. այդ լավ բաներն էլ ասեք»,- ասել է Լևոնյանը։
Դիմելով «Մայր Հայաստան» խմբակցության անդամ Արշակ Սարգսյանին՝ Լևոնյանը նշեց. «Եթե դուք վատ եք զգում, որ իմ կոլեգան Ձեզ կամ ձեր թիմին ասել է՝ փող բաժանողների, ընտրություն կեղծողների քաղաքական թիմի ներկայացուցիչ, և Ձեզ համար դա հանելուկ է, ես պետք է հիասթափեցնեմ՝ Դուք այդ քաղաքական ուժի պիլոտային դեմո տարբերակն եք»,- ասաց Լևոնյանը։
Արշակ Սարգսյանը տեղից արձագանքեց. «Ստում եք»։ Նրանց միջև լեզվակռիվ սկսվեց։
