Երևան
Եթե այսպես շարունակվի, այդ ընկերության հետ չենք շարունակի համագործակցությունը. Ավինյան (ՏԵՍԱՆՅՈՒԹ)
16 Հունիսի, 9:54
Man մակնիշի ավտոբուսների անսարքության թիվը տոկոսային առումով կրկին շատ բարձր է. Երևանի քաղաքապետարանի գործակարգավարական նիստում ասել է քաղաքապետ Տիգրան Ավինյանը: Նա հետաքրքրվել է` որն է պատճառը.
Զեկուցվել է, որ Man մակնիշի մեքենաները պահեստամասերի խնդիր ունեն.
«Քննարկել ենք այդ հարցը, տեխնիկական խոտաններ էլ է ի հայտ գալիս այս տեխնիկայի վրա»․ զեկուցեցին քաղաքապետին` նշելով, որ փոխարինումը երկար է տևում:
Տիգրան Ավինյանը ընդգծել է, որ խնդիրը վերջին 6 ամսում առկա է, ու եթե այդպես շարունակվի, այդ ընկերության հետ այլևս չեն կարողանա շարունակել համագործակցությունը:
«Սա վերջնական և հստակ փոխանցեք»,- նշել է Ավինյանը:
