Երևան
220 մլն դրամ՝ «Գործարանային», 115 մլն դրամ՝ «Սասունցի Դավիթ» կայարանների շարժասանդուղքների փոխարինման համար
Վերջին երկու տարվա ընթացքում Երևանի մետրոպոլիտենում իրականացվել է 6.3 միլիարդ դրամի ներդրում՝ ենթակառուցվածքների արդիականացման և ուղևորների երթևեկությունն առավել հարմարավետ դարձնելու նկատառումով։ Գործարկումից ի վեր 1-ին անգամ փոխվում են նաև շարժասանդուղքները: «Սասունցի Դավիթ» կայարանում կփոխարինվի երեք շարժասանդուղք, որից մեկն արդեն տեղադրված է:
Մետրոպոլիտենի «Սասունցի Դավիթ» կայարանում շարժասանղուքների փոխարինման աշխատանքներ են կատարվում։ Մետրոպոլիտենի տնօրեն Բաբկեն Սեդրակյանն, ի պատասխան քաղաքապետ Տիգրան Ավինյանի հարցին, նշեց, որ նման աշխատանքներ իրականանցվել են «Գործարանային» կայարանում, և այդ նպատակով ծախսվել է մոտ 220 մլն դրամ։
«Սասունցի Դավիթ» կայարանում 3 շարժասանդուղքի փոխարինման աշխատանքներն ընթացքում են, որից մեկն արդեն ավարտել ենք ու շահագործման է հանձնվել։ Մյուս երկուսը կավարտենք մինչև մայիսի 30-ը։ Այստեղ ծախսվել է 115 մլն դրամ»,– տեղեկացրել է Սեդրակյանը։
Քաղաքապետ Ավինյանը նշեց, որ ցանկացավ հանրությանը ցույց տալ, թե որքան գումար է ծախսվում այդ գործընթացն իրականացնելու համար ու, թե քանի ավտոբուս էր հնարավոր բերել այդ փողով։
