Այսօր Երևանի ավագանու հերթական նիստի ժամանակ քաղաքապետ Տիգրան Ավինյանը հայտարարեց, որ կսկսի իրականացվել նոր աղբավայրի ծրագիրը։
Ծրագիրը տևական ժամանակ՝ 2014թ. շրջանառության մեջ է եղել. «Վերակառուցման և զարգացման եվրոպական բանկի ֆինանսավորմամբ պետք է իրականացվեր այս ծրագիրը։ Ոչ միայն ՎԶԵԲ-ն, այլև Եվրոպական ներդրումային բանկը, բայց 2014թ.–ից, ծրագիրը կյանքի կոչելու բազմաթիվ փորձերից հետո, այն այդպես էլ չստացվեց, և մենք այս տարի որոշել ենք ծրագիրը չեղարկել առհասարակ։ Մենք ունենք արված բավարար հետազոտություններ և բավարար քանակի մասնավոր արտասահմանյան ընկերությունների կողմից առաջարկություններ, որոնք այս տարի կամփոփվեն, և կսկսվի նոր աղբավայրի ծրագիրը»։
Քաղաքապետի խոսքով՝ այն նպատակները, որ 2014թ. դրվել են, արդեն 10 տարի է՝ չեն իրականացվել: «Դրանք չեղարկվել են։ Հիմա սկսում ենք որոշակի տվյալահեն տրամաբանությամբ, որովհետև այս ընթացքում մեծ քանակի հետազոտություններ են արվել, և այդ գիտելիքները կենտրոնացված են «Նոր աղբավայր» ՓԲԸ-ում»:
