Երևան
«Կիևյան կամուրջի հիմնանորոգման ժամկետները պետք է հնարավորինս սեղմել». քաղաքապետ
Երևանի քաղաքապետ Տիգրան Ավինյանն անդրադարձել է Կիևյան կամրջի հիմնանորոգման աշխատանքներին։
Զեկուցվել է, որ եղանակային պայմաններից ելնելով՝ առաջին փուլի աշխատանքները դադարեցվել էին, սակայն փետրվարի 18-ից սկսվել են։ Այժմ բազալտե աստիճանավանդակներն են ապամոնտաժվում, և նորերը տեղադրվում, մարտից կմեկնարկեն անցումի վերանորոգման աշխատանքները։ Իսկ երկրորդ փուլը կմեկնարկի ֆինանսական համաձայնագրի կնքումից հետո:
Քաղաքապետը հանձնարարել է այս գործընթացին զգուշավոր մոտենալ. «Խոսքը գնում է Կիևյան կամրջի մասին, և երկրորդ փուլը ենթադրում է նաև երթևեկության որոշակի սահմանափակում։ Կարևոր հանգույց է․ պետք է աշխատանքի ժամկետները հնարավորինս սեղմենք և այնպես կազմակերպենք, որ երթևեկության նվազագույն խնդիրներ առաջացնի քաղաքում։ Տրամաբանական է․ որ հիմնանորոգվում է, պետք է որոշ ժամանակով փակվի, բայց այդ ժամանակը պետք է նվազագույնի հասցնենք»։,- ասել է նա։
